Hello，大家好，我哋係由韓國人每日提供最新韓國旅行資訊嘅Creatrip。
唔知大家鍾唔鍾意戴首飾嘅呢？無論係耳環、戒指、定係頸鍊都可以幫你做到唔同嘅襯搭！大家知唔知道韓國人係鍾意啲咩款嘅首飾呢？唔講唔知，比起普通嘅首飾，其實韓國人係比較鍾意金或者銀嘅首飾！特別係純銀，等小編今日就同大家分析一下韓國人最鍾意邊四個牌子嘅飾品啦！
韓國人最鍾意嘅四個首飾品牌
1. OST
OST呢個牌子嘅飾物好多韓國人都鍾意，唔少韓國人都一定會知道呢個牌子，因為呢個牌子嘅舖頭就喺大學區嘅街頭好常見！佢哋仲會同唔同嘅卡通人物或者品牌去做crossover，深受唔少韓國人嘅愛戴。
除咗同唔同品牌聯名之外，其實呢個牌子都有出好多唔同嘅純銀首飾！如果你係經常皮膚敏感嘅人，都可以試下買呢個品牌。
呢個牌子嘅飾物唔算太貴，最平20,000韓幣（港幣$140）都已經可以買到。OST喺韓國有好多分店，而且仲有網店添！網店經常都會做特價，大家都不妨可以去睇下。想買嘅朋友，都可以搵我哋代購！
2. CLUE
呢個牌子嘅飾物都係唔算太貴，最平20,000韓幣（港幣$140）都已經可以買到，係好多韓國人都會買嘅，主打比較高貴同埋氣質路線，價錢都非常親民，所以唔少學生都可以應付得到。
除咗純銀之外，呢個牌子都有買好多10K， 14K金嘅飾品。一隻戒指嘅價錢都只係需要18,000韓幣（約港幣130）。
呢個牌子都有出好多情侶飾品，款式都非常之多樣化，大家可以趁住節日來臨之前同另一半揀返一對屬於你哋嘅首飾！CLUE嘅網店同樣都係經常做優惠，如果大家睇啱嘅話都不妨可以搵我哋代購啊！
3. LLOYD
LLOYD呢個牌子算係一個好經典嘅韓國飾品牌子，佢係1990年創立而成。佢哋嘅風格都比較係走英式外國風情！佢哋經常都會推出好多套裝優惠，唔少韓國人喺節日嘅期間都會一套手鍊、頸鏈、戒指同埋耳環咁樣買走！
LLOYD呢個牌子嘅飾品都有好多物料嘅選擇，例如925純銀、 10K/14K/24K金等等！佢哋價錢都比頭先嗰兩間貴，但係相對地都比較高質！
呢個牌子嘅價格比較貴嘅關係，通常都會喺一啲旅遊旺區先會見到，大家而家嚟唔到韓國都唔緊要，都可以上網睇睇有冇適合你哋嘅款！
4. miniGOLD
miniGOLD 唔單止有好多韓國年青人都好鍾意，就連唔少韓星都係佢哋嘅粉絲嚟㗎 ！當中包括TWICE、CLC 同埋 (G)I-D.LE 嘅成員。呢個牌子喺1978年已經面世！佢哋嘅主打就係金嘅首飾。除咗氣質款之外，佢哋都有一條專屬line係比啲青少年，當中嘅款都會比較可愛，所以都係於好多中學生鍾意！
除咗各式各樣嘅首飾之外，佢哋嘅錶都係比較高貴，最平嘅19,900韓幣（約港幣140）就可以買到啦！
如果大家有興趣都不妨去佢哋嘅網站睇睇啦！以上四個品牌就係韓國年輕人最鍾意嘅飾品品牌！唔知大家最鍾意應該邊個牌子嘅首飾呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Facebook：Creatrip 帶你認識韓國每一面
韓國代購